Marcjadut e leturis domenie ai 16 al “Moretti” di Udin

Domenie ai 16 al Parc “Moretti” di Udin al torne il ‘Buddy al Parc’, un marcjadut di artesanât locâl, organizât de Associazion Spicelapis in colaborazion cul coletîf Call me Buddy. Une ventine i espositôrs che a parteciparan des 9 di matine aes 5 dal dopomisdì. Come simpri, no mancjaran lis ativitâts par chei plui piçui, tant che lis “Leturis intal vert” par fruts dai trê ai cinc agns, par cure di Lisa Felisatti di OggiLeggo e Alessandra Ambrosini di SlowClub, e la cjace al tesaur dentri dal Parc. (A.I.) – 14.04.2023