Par television il triestin che al fâs cognossi New York zirant a pît

Nassût a Triest intal 1973, Dj e gjornalist musicâl, Ricky Russo al vîf e al lavore di passe dîs agns a New York, dulà che al è vuide turistiche certificade e al propon escursions speciâls in diviersis zonis de citât. Lis sôs visitis a pît a son contis de citât traviers la musiche, il cine, lis seriis tv, la art, la leterature, i fumets e la storie. Il sucès des sôs escursions al è cussì grant che Federico Rampini lu à sielt tra i ospits de prossime pontade dal so program “Inchieste da fermo”, in onde martars di sere su La7. Ricky Russo al contarà dal so sium american, intervistât de gjornaliste Donatella Mulvoni intal Greenwich Village, intai lûcs mitics là che al lavore cui siei zîrs a pît. (A.I.) – 19.06.2023