Tancj apassionâts di bici, amîs e familiârs di Enzo Cainero, comercialist cognossût e manager sportîf muart tal Zenâr passât, si cjataran domenie ai 10 di Setembar a Davâr par une pedalade cicloturistiche, acompagnade di ativitâts par fantats e fameis lade daûr di un apontament speciâl di ricuart e di tribût, plen di ospits e di sorpresis. La iniziative e je nassude a Davâr, li che Cainero al jere citadin onorari e là che al tornave ogni volte che al podeve par vê un moment di passâ a cjase sô. Cul paîs al à colaborât simpri pal disvilup dal turisim in mont, in particolâr rindint il Çoncolan cognossût in dut il mont dopo il passaç dal Zîr di Italie.
L’avigniment in so ricuart al è organizât in colaborazion cu la Pro Loco di Davâr e lis associazions locâls di volontariât, cui Alpins, cu la Associazion sportive Carnia Bike, la Comunitât di Mont de Cjargne e i Comuns dal comprensori dal Çoncolan e ancje cul supuart di tancj sponsor. In acuardi cu la famee Cainero, si è pensât cun di plui a une racuelte fonts benefiche, li che i bêçs a saran destinâts a une realtât sociâl individuade dai stes familiârs. (a.d.g.) – 07.09.2023
