Sapade in fieste e presente il so prin vin

Al torne vinars ai 29 di Lui a Sapade “Parole in vetta, musica in quota e sapori a valle” (Peraulis in cime, musiche in cuote e savôrs a val), 3e edizion dal festival de mont dal Friûl Vignesie Julie, che e conferme la presince di personaçs di fame de narative, de musiche e dal gust. Al sarà Mauro Corona a vierzi la manifestazion, ideade e direte di Monica Bertarelli cun PromoTurismo Fvj. Il pianist e compositôr Remo Anzovino, pe prime volte a Sapade, al sarà in conciert sabide di sere in Piazzetta Hoffe, insuazade des monts e des cjasis antighis de localitât, intal cûr di Sapade vecje. A sierâ il festival, domenie ai 31 aes 5 dopomisdì, Andro Merkù, innomenât imitadôr e condutôr triestin. Tra i events la presentazion, sabide aes 10.30 in anteprime nazionâl, de prime produzion vinicule di Sapade, dopo plui di 10 agns di ricercje e sperimentazion de Universitât Sapienza. (A.I.) – 28.07.2022