E tache vinars ai 4 di Avrîl la prime edizion dal “Festival dai cjamins di Aquilee”, un avigniment nassût cul intindiment di celebrâ il viaç lunc e cussient. Par trê dîs, fint a domenie ai 6 di Avrîl, Aquilee si trasformarà intun pont di incuintri par cui che i plâs cjaminâ, scoltâ e lassâsi ispirâ. Tra i apontaments previodûts – za cuasi ducj esaurîts dome in fase di prenotazion – a son incuintris cun scritôrs, esperts e viandants, cjaminadis e pedaladis vuidadis ae scuvierte di Aquilee. Ma ancje laboratoris e visitis teatralizadis par fruts e dôs tapis di cjamin ae scuvierte dal teritori e dal paisaç ator Aquilee. Il festival inmaneât de Fondazion Aquileia al sarà un avigniment difondût tra lûcs sugjestîfs di art e archeologjie, cantinis, cafè e spazis verts di Aquilee e al ufrirà un program siôr e svariât, pensât par cjapâ dentri un public eterogjeni. (A.I.) – 03.04.2025
Foto di M. Vecchi
