Si tignarà a Udin dai 18 ai 22 di Otubar la vincjesime cuarte edizion di Ein Prosit 2023, cuntune anteprime a Triest miercus ai 18, dedicade ae stampe foreste e cul coinvolziment di une selezion curade dai chef dal panorame talian dai 50 Best Restaurants, dai 19 ai 22 di Otubar, inte citât di Udin.
Ein Prosit 2023 al è organizât dal Consorzio di Promozione Turistica del Tarvisiano in colaborazion cu la Regjon Friûl-Vignesie Julie, l’assessorât aes Ativitâts produtivis, Promoturismo FVG, il Comun di Udin, la Fondazione Friuli e la Camera di Commercio di Pordenone e Udine. Sponsor de manifestazion a son Petra Farine, Ceretto, Allianz, Monograno Felicetti, Acqua Panna San Pellegrino, Illycaffè, Caspian Monarque, Electrolux Professional, Prontoauto.
Il Consorzio di Promozione Turistica del Tarvisiano, in colaborazion cun Paolo Vizzari e Manuela Fissore, al à progjetât il program de vincjesime cuarte edizion di Ein Prosit, un avigniment bon di meti in relazion temis tant che la culture enogastronomiche internazionâl, la tradizion dal vin e la cognossince des materiis primis inte cusine traviers un percors articolât e fruibil dal public fat di cenis, cercis, masterclass, laboratoris dedicâts e incuintris, par un totâl di plui di 160 ativitâts. Pal cuart an l’avigniment si fasarà no dome intal centri di Udin, ma al cjaparà ancje lis realtâts ator, cuntun calendari fis di apontaments ae scuvierte dal mont enogastronomic regjonâl e internazionâl.
Carlo Cracco, Quique DaCosta, Zaiyu Hasegawa, Niko Romito, Enrico Crippa, Mauro Uliassi, Norbert Niederkofler, Massimiliano Alajmo, Diego Rossi, Riccardo Camanini, Antonia Klugman, Ana Ros, Bruno Verjus, Pablo Rivero, Pia Leon, Moreno Cedroni, Christophe Pelè, Matias Perdomo a son dome une part dai passe 100 chef presints. (a.d.g.) – 05.10.23
