Ultins dîs par viodi lis galariis soteraniis di Palme

Ancjemò pôcs dîs par visitâ lis galariis soteraniis di cuintrimine dal Rivelin di Palme. Di lunis ai 6 di Novembar a scomençaran i lavôrs di rinovament e ampliament. Fin a chê date, a saran viertis e visitabilis ogni dì des 2 aes 5 dopomisdì, sabide ai 4 e domenie ai 5 di Novembar ancje des 10 aes 12 de matine. Lis galariis soteraniis a son un dai lûcs plui misteriôs e visitâts de Fuartece UNESCO, intune cul Baluart Donato, fasint numars di visitis impuartants e in aument continui. Un sucès, chel de Palme ‘soteranie’, che al à convinçût il Comun a rinovâ chest percors unic e particolâr, che al deventarà ancjemò plui interessant e larc. (A.I.) – 31.10.2023