Visitis aes vilis di autôr di Lignan

Dopli apontament sabide ai 7 cu la origjinâl visite vuidade ae scuvierte des vilis di Pinede e di Riviere a Lignan, testemonis de espression architetoniche dal ‘900. Daspò dal sucès regjistrât intal mês passât di Jugn, il secont apontament dedicât ai apassionâts e curiôs di architeture e storie de localitât balneâr furlane al è previodût des 10 di matine a misdì e des 4 aes 6 dopomisdì. Lant in biciclete, si podaran amirâ lis architeturis tipichis dal ‘900 di Pinede e di Riviere: vile Paiani di Paolo Passon (1956-57), cjase Christoff di Giovanni Avon (1956-57), la vile dal atôr Alberto Sordi (1958) fate di Aldo Bernardis e lis plui gnovis vilis Sbaiz di Claudio Nardi (1994-2000). (A.I.) – 06.09.2024