Domenie ai 16 di Avrîl la cooperative “Curiosi di natura” e organize une zornade di visitis vuidadis in biciclete, des nûf e mieze di buinore aes sîs di sere, tra Caprive, Morâr e Fare, par cognossi la ecologjie e i prodots agricui dal teritori. In colaborazion cun Campagna Amica, pal progjet su la biodiversitât “Quanto vale un petalo?”.
In program une pedalade di Caprive fin ae aziende agricule Blasizza di Morâr, cun visite e esplicazion di cemût che a vegnin coltivâts i prodots di stagjon, tant che i sparcs. Gustâ (facoltatîf o al sac) a Fare, al Agriturisim 4PR Birrai in Friûl. Dopo visite ae fabriche di bire e tornade a Caprive. Une jessude par ducj, di 15 chilometris, su stradis secondariis, cu la vuide naturalistiche Enrica Turus. Presentâsi ognidun cu la sô biciclete.
Apontament aes nûf e dîs, li dal Municipi di Caprive. Coscj di partecipazion: intîrs 15 euros; 5 euros pai minôrs di 14 agns; a gratis pai minôrs di 6 agns (il gustâ nol è cjapât dentri intal presit).
In alternative, pussibilitât di incuintri di Morâr, rivant cun mieçs propris, pe visite ae aziende agricule Blasizza, par trasferîsi dopo al Agriturisim 4PR Birrai in Friûl di Fare. Presit limitât di 8 euros pai adults, invariâts chei altris presits.
E je domandade la prenotazion a curiosidinatura@gmail.com o al telefon (+39) 340.5569374.
I partecipants a varan un bon scont dal 10% par mangjâ li dai ristoradôrs convenzionâts di “Sapori del Carso”, valit fin ai 18 di Jugn. (A.D.G.) – 12.04.2023
