Martars ai 11 di Jugn a Grau si davuelzarà une prove uficiâl par jentrâ tal Guinness dai primâts mondiâi pal plui grant radun di personis vistudis cui colôrs dal soreli. Pe ocasion, la isule dal soreli si tenzarà cui colôrs sflandorôs des sôs rasulis intal setôr de Splaze Imperiâl (li dal ristorant Antiche Terme) des 3 aes 6 dopomisdì. Par cumò, il titul dal Guinness World Music al è dal Canadà e al è stât fissât ai 8 di Avrîl passâts, vie pe eclìs dal soreli, dongje des pissandis dal Niagara. Simpri ai 11 di Jugn, a Grau e sarà ancje zirade une serie che e larà in rêt, cun Aurora Ramazzotti e altris nons. Ancje lôr a parteciparan al grup par cirî di bati il titul e dut chest al sarà al centri di un dai trê episodis de serie “#SeiInGrado – L’isola del sole”. Il documentari al contarà il teritori in maniere gnove par promovi la marche “Grado” tant che destinazion turistiche di ecelence, dant vôs soredut ai operadôrs turistics. (A.I.) – 10.06.2024
Vistûts cui colôrs dal soreli, a cjace di un record
84