Zornadis dal FAI: ducj i apontaments

Sabide ai 22 e domenie ai 23 di Març a tornin pe trentesime tierce edizion lis Zornadis FAI de Vierte, l’avigniment principâl dedicât al patrimoni culturâl e paisagjistic dal nestri Paîs, inmaneât dal FAI – Fonts pal Ambient Talian, in graciis dal impegn e dal entusiasim di miârs di volontaris. In dut, si podaran visitâ 750 lûcs in 400 citâts a contribût libar, in graciis dai volontaris di 350 delegazions e di grups dal FAI atîfs in dutis lis regjons, par une edizion speciâl in ocasion dai cincuante agns de nassite. I lûcs vierts aes visitis vuidadis in Friûl a son une schirie e la liste complete e je in rêt su fondoambiente.it. Lis principâls a son Gurize (Palaç Attems), cun diviers itineraris in plui lenghis, Udin, dulà che si podarà jentrâ tal Palaç Antonini Mangilli del Torso, tal Palaç Della Porta, inte Stamparie di art Albicocco, e a Pordenon tal Antîc Ospitâl dai Batûts. Cetantis viertiduris ancje in provincie, des glesiis di Soclêf ai mûrs di Palme, di Faedis a S. Vît de Tor, e po dopo Manià, Sacîl, S. Vît dal Tiliment, Spilimberc… (A.I.) – 20.03.2025