A Udin si sperimente la scuele tecnologjiche

Di lunis ai 10 a miercus ai 12, intal Salon dal Parlament dal Cjistiel di Udin e intai spazis dal Isis “A. Malignani”, si ten la cunvigne nazionâl “Par une scuele eSTREMA”. La cunvigne e je une riflession su lis sperimentazions e su la eficacitât des tecnologjiis e de didatiche laboratoriâl che e dopre il digjitâl pal miorament dai aprendiments inte educazion STEM (sience, tecnologjie, inzegnarie, matematiche). L’acronim eSTREMA al cjape dentri la E di educatîf, la sigle STEM, la R di robotiche e la A di art, cun dute la lôr valence didatiche. Il progjet al à cjapât dentri dîs scuelis de Regjon e al è stât sielt intal Plan nazionâl pe scuele digjitâl. (A.I.) – 10.10.2022