54
Al tache come ogni an il colegament cu la motonâf tra Maran e Lignan cuntune biele traviersade dilunc de lagune che e dure plui o mancul 40 minûts, dant cussì una buine alternative ae machine, in graciis dal fat che a son a disposizion ancje i traspuarts publics.
La motonâf “Rosa dei venti” e à un puest par meti lis bicicletis (no plui di dîs) par permeti a cicloamadôrs di rivâ fin ae cueste par dopo lâ indenant dilunc des pistis ciclabilis des localitâts di mâr fin al Venit.
Il servizi al tacarà ai 8 di Jugn e al larà indenant fintremai ai 30 di Setembar; lis partencis di Maran a scomencin aes nûf di matine, biel che la ultime e je aes dîs e mieze di sere. (a.d.g.) – 07.06.2024
