Cuatri pas tra i vignâi di Torlan e Ramandul

Scuvierzi, insiemi a vuidis espertis, lis Vals de Tor e dal Nadison, tra aghis, forestis e storie. Il progjet turistic “I Sentieri della ProLoco”, dentri di “Montagna 365” di PromoTurismoFVG, al va indevant domenie ai 16 cuntune escursion “Tra i vignâi di Torlan e Ramandul”, sui trois curâts e mantignûts de Pro Loco di Torlan, par scuvierzi tradizions e lûcs scuindûts dal teritori intal Comun di Nimis. I partecipants a saran puartâts ae scuvierte di Torlan e Ramandul cuntune cjaminade intune gjonde di colôrs dopo la vendeme. (A.I.) – 13.10.2022