Doi avigniments in onôr di une poetesse polache di Nobel

Doi events par memoreâ la poetesse polache Wisława Szymborska a dîs agns de sô muart. Al è ce che e propon la associazion Aps Klaris di Udin par vinars ai 14 e sabide ai 15. Il prin dedicât a la autore polache plui impuartante e innomenade dal secont Nûfcent, Premi Nobel pe leterature intal 1996, al è fissât a 5 e mieze sot sere inte Sala Antivari dal Hotel Astoria Italia di Udin cun protagonist principâl Michał Rusinek, teoric de leterature, docent inte Universitât di Cracovie. Il secont incuintri aes 4 dopo di misdì di sabide ai 15 di Otubar, cun Michał Rusinek presint ancje tant che autôr di tescj pe infanzie inte Scuele Polache di Udin. Il progjet “Dieci anni senza Wisława Szymborska” al è stât metût adun cu la poie dal Consolât de Republiche di Polonie a Milan. (A.I.) – 12.10.2022