La famee e je simpri une comedie

Une voglade ironiche e becante su lis dinamichis familiârs. Chest al è “La ciliegina sulla torta” (La cjariesute su la torte), une comedie scrite e direte di Diego Ruiz, che e fasarà tape par dôs seradis intal circuit dal ERT. Edy Angelillo, Blas Roca Rey, Milena Miconi e Luca Attadia a saran vinars ai 24 tal Teatri “Odeon” di Tisane e sabide ai 25 tal Auditorium “Aldo Moro” di Cordenons. La comedie si concentre suntun avigniment di no podê dismenteâ inte vite di ogni zovin: la presentazion de morose ai gjenitôrs. Ruiz al cree une comedie iriverente e di ridi, che e ufrìs une ispirazion di riflession sui rapuarts di cubie, i leams familiârs e i conflits che a son simpri jenfri oms e feminis. (A.I.) – 23.01.2025