Laris in azion ancje intes gjavis di piere

Robarie intune gjave di piere piasentine ative a S. Pieri dai Sclavons. Vitime di une incursion sucedude dilunc dal periodi di inativitât des setemanis passadis e je stade la aziende Juri Srl di Cividât. I laris, tra i 4 e i 21 di Avost, a son jentrâts puartant vie la centraline di comant di un perforadôr, dal valôr stimât in 10 mil euros. Nol è escludût che si sedi tratât di un colp fat su comission.

Une seconde robarie e je sucedude îr di gnot dentri dal Palamostre di Udin, dulà che un o plui malvivents a son jentrâts robant un tablet e 50 euros. In ducj i doi i câs a indaghin i carabinîrs di Udin e de citât ducâl. (a.d.g.) – 21.08.2023