Olimpiadis invernâls pai zovins: dut pront par Zenâr

La ex campionesse di schi Debora Compagnononi, vuê ambassadore de Fondazion Milano-Cortina 2026, e je stade l’ospit speciâl de cunvigne “Eyof 2023 e Milano Cortina 2026”, organizade a Pordenon intal ambit de 16e edizion dai Incuintris cu la editorie religjose “Ascoltare, leggere e crescere”. Teme principâl: la sostignibilitât, partint de minimizazion di un impat tant che lis olimpiadis invernâls sul teritori. In rapresentance dal comitât organizadôr Eyof 2023 FVJ, ancje il vicepresident (e president dal Coni regjonâl) Giorgio Brandolin, che al à anticipât il program dal festival Olimpic de Zoventût Europeane, dal 21 ai 28 di Zenâr in Friûl Vignesie Julie. A rivaran almancul 2300 partecipantis, cun plui di 1200 atletis dai 14 ai 18 agns e cualchi competizion in Austrie e Slovenie. (A.I.) – 11.10.2022