Une regjon plene di emozions, ancje in foto

Une mostre fotografiche e conte traviers imagjins e emozions il Friûl Vignesie Julie. Titulade “Sguardi inconsueti” e metude sù al Politeama Rossetti di Triest, si scree martars ai 11 aes 6.30 dopomisdì – a pocjis oris de “prime” de stagjon teatrâl cun “Il mercante di Venezia” – in presince dal artist Anthony J. Bradshaw. Lis fotos inmagantis a disposizion dai spetatôrs intai spazis dal foyer a son nassudis dopo une conversazion jenfri Bradshaw e il president dal Teatri stabil regjonâl, Francesco Granbassi. (A.I.) – 10.10.2022